Dili na i-apil sa Commission on Elections (Comelec) ang barangay clearance gikan sa requirements alang sa pagparehistro sa mga botante, tungod kay ang pag-isyu niini giabusohan sa mga walay prinsipyo nga mga indibidwal.
Namulong atol sa binuwan nga monthly Balitaan forum of the Manila City Hall Reporters’ Association (MACHRA) sa Harbour View sa niaging adlaw, si Comelec Chairperson George Garcia niingon nga ang barangay certificates “weaponized” sa pipila ka mga indibidwal alang sa katuyoan nga adunay flying voters.
Matod ni Garcia, aron malikayan ang susamang kalihokan, iyahang gitang-tang ang barangay certificates isip kabahin sa mga requirements for voter registration.
Dugang niya, sa pagpatuman ana nga bag-ong lagda, dili na sila mamahimong modawat sa maong certificate sa enumeration kon unsay magamit nga proof of residency.
Si Garcia nitataw nga sa pipila ka mga higayon, adunay mokabat sa 9,000 ngadto sa 30,000 ka mga botante nga gitoohang nibalhin gikan sa usa ka barangay ngadto sa lain, pinaagi sa pagmaniobra sa mga walay prinsipyo nga opisyal sa barangay.
Ang dili paglakip sa barangay certificate isip requirements nga ipatuman atol sa Hulyo 1 hangtod 11 nga voter registration alang sa Barangay ug Sangguniang Kabataan Elections (BSKE).
Ipatuman usab kini atol sa giplanohang voter registration sunod tuig alang sa 2028 presidential elections.
Si Garcia niingon nga andam ang Comelec nga modepensa sa kaugalingon kon adunay mohagit sa maong lakang atubangan sa Korte Suprema.(Bombo Irene Ardiente)
