-- ADVERTISEMENT --
DUMANJUG, PROVINCE OF CEBU-Nasikop ang usa ka Barangay konsehal nga usa usab ka rehistradong nurse atol sa buy-bust sa Barangay Bitoon, lungsod sa Dumanjug, habagatang kasadpan sa Sugbo, niadtong Martes, Marso 26, 2024.
Ang suspek giila nga si Bitoon barangay councilor Clyde Gail Denuyo Mancilita, 36, anyos nga giingong high-value individual.
Kini subay sa gipahigayon nga anti-illegal drug operation ang Drug Enforcement Unit sa Dumanjug Police Station pinangulohan ni Police Captain Jan Ace Elcid Pascua Layug, uban sa Philippine Drug Enforcement Agency (PDEA 7).
Nakuha gikan sa suspek ang tulo ka pakete sa gituohang shabu ug P500 nga buy-bust money.
