Gisaad sa gobernadora nga pangulohan niiya ang lalawigan nga adunay pag-amping, kaangayan, ug integridad sa pagbutang sa kaayohan sa katawhan sa pagpaminaw sa mga aligutgot sa mga lungsuranon ug pagdesider kung unsay makaayo sa probinsya.
Kini ang gipaambit nga mensahe ni Cebu Provincial Governor Pamela “Pam” Baricuatro para sa Bag-ong Tuig alang sa pagpakli sa kalendaryo sa tuig 2026.
Sa iyang mensahe nga gipost sa social media account sa namahayag kini nga malambuon ug malaumong Bag-ong Tuig sa mga Sugbuanon.
Matod niini nga ang bag-ong tuig naghatag sa mga sugboanon og higayon sa pagsugod pagbalik aron mapalambo ang kaugalingon ug pilion nga mamahimong maayong tawo.
Gihinumdum pud ni Baricuatro ang mga panghitabo nga miuyog sa Sugbo ubos sa iyang administrasyon sa Kapitolyo nga ingon man maghatag kini og pagtulun-an.
Giawhag sa opisyal ang mga Sugbuanon nga karong 2026, pamalandungon ang maayong pamatasan og respeto, kaluoy, ug kakugi sa pagtuo nga ang gamayng aksyon makapausab og kinabuhi sa uban pinaagi na usab sa panaghiusa sa tanan.
