Gitaho ni National Maritime Council (NMC) spokesperson USec. Alexander Lopez nga hangtod karon wala pay nadawat nga report nga adunay harassment nga gibuhat ang Chinese militia sa barko sa Pilipinas nga gipadala isip hulip sa BRP Teresa Magbanua aron bantayan ang Escoda shoal sa West Philippine Sea.
Sa press conference, si USec. Lopez miingon nga dili lang ang Escoda shoal ang gimonitor kon dili lakip na ang ubang dapit sa WPS.
Kahinumduman nga unang gikompirmar ni National Security Adviser Eduardo Año nga milawig na ang gipuli nga barko sa BRP Teresa apan temporaryong mipasilong tungod sa dili maayong panahon.
Matud pa usab sa opisyal nga dili na kinahanglan ang bag-ong kasabutan tali sa PH ug China.
Gumikan kusganong gituohan niini nga mapahunong lang ang bisan unsang reclamation activities sa maong lugar.
