Gitaho sa China Coast Guard nga usa ka barko sa Pilipinas ug China ang nagbangga sa Ayungin shoal nga usa ka submerged reef sa Spratly Islands sa West Philippine Sea.
Sa giluwatang pamahayag sa CCG, ang resupply ship sa Pilipinas giingong wala magtagad sa subling pahimangno gikan sa habig sa China.
Giakusahan usab niini ang barko sa PH nga niduol sa dili propesyonal nga paagi nga giingong niresulta sa pagkabangga.
Ingon man nga gipasanginlan usab sa CCG ang barko sa PH nga ilegal nga misulod sa dagat duol sa Ayungin shoal sa Spratly Islands.
Matud usab sa CCG nga nihimo na kini og mga control measures batok sa barko sa PH subay sa balaod.
Sa pagkakaron, wala pa’y pamahayag ang habig sa PH kalabot sa pinakaulahing insidente sa Ayungin shoal sa WPS nga sakop sa exclusive economic zone.
