Human naka-ani og daghang pagsaway sa publiko ilabi sa mga netizens sa iyang mga maluho nga kinabuhi, mipagawas na sa iyang depensa si Basak, Lapu-Lapu City Barangay Captain Jasmine “Daday” Chan nga matod pa niya walay pundo sa gobyerno ang gigasto sa iyang mga laroy-laroy ug mga kagamitan.
Gipublikar ni Daday ang iyang sentimento pinaagi sa iyang social media account niadtong Huwebes, Agosto 28, 2025.
Gisaysay niini nga siya ug iyang bana nga si ‘Vernon Olmstead’ kay mibyahe lang sa Europa sa kausa lang nga higayon og daw wedding gift daw kini gikan sa iyang kapikas.
Dugang pa nga kugihan daw siyang nanarbaho sukad niadtong kolehiyo pa siya ug aduna na kiniy igong pundo ug puhunan sa kinabuhi niyang natagamtaman.
Apan wala papildi ang mga netizens sa nahimong pamahayag ni Daday gani gisaway pa kini sa iyang mga termino nga “pinalit lang sa online shop iyang mga sul-ob”.
Si Daday kay anak sa kongresista sa Lone District sa Lapu-Lapu City nga si Junard “Ahong” Chan ug ni City Mayor Cindi King Chan diin natukod ang ilang politikanhong dynastiya kaniadtong City Councilor si Ahong niadtong 2001 hangtod 2010 ug Pajo Barangay Captain niadton 2013 hangtod 2019.
