CEBU – Gipamatud-an sa usa ka basurero nga tinuod ang panultihon nga adunay “kwarta” sa basura.
Sa mga sensilyo nga iyang natigom sa patigayon, nakapalit kinig yuta nga 3.5 ka ektarya ang gidak-on.
Sa usa ka taho gibutyag ni Janry Alburo, taga Payatas, Quezon City, nga gawas sa mga sensilyo nga iyang nakolekta sa basurahan, nakolekta usab siya og mga alahas, gadgets ug bisan mga foreign currency.
Dihang nakatigom na og kapin sa tunga sa milyon ka sensilyo, namalit sila sa iyahang asawa og yuta sa Cawayan, Masbate.
Giingong pangandoy gyud ni Janry nga makabaton og yuta aron kun dili mohunong na sya sa pagpamasura, adto na kini mopuyo sa probinsiya.
Apan sa dihang naa nay pandemya, natanggong si Janry ug napugos sa pagprenda sa yuta nga gibaligya sa kantidad nga P58,000.
Sa kasabotan nga gisudlan ni Janry, giingon nga kinahanglan niyang bayran ang yuta sulod sa duha ka tuig aron dili kini ma-foreclosed.
Busa aron masiguro nga mabawi nila ang gisaad nga yuta, mas nagkugi pa si Janry sa pagpamasura.
