Mikatkat ug misulod sa usa ka claw machine ang usa ka bata sa community center sa City of Mason, Ohio, United States.
Base sa kuha sa CCTV Camera sa maong community center kay nasayran ang pagsulod sa usa ka batang gamay sa claw machine diin aduna kiniy sulod nga mga stuffed toy animals nga hinaot kuhaon sa bata.
Misulod kini pinaagi sa prize door sa maong claw machine dayon gikatkat ang sulod nga bahin.
Gani adunay volunteer nga nakasaksi sa pagsulod sa bata hinungdan nga mitawag dayon kini og tabang sa mga awtoridad.
Miabot dayon ang Police ug Emergency Medical Service Staff aron i-disassemble ang claw machine sa hingpit nga pagkuha sa stranded nga bata.
Maayo nalang og wala nakahiagom og kadaot sa lawas ug samad ang bata diin nahibalik kini sa iyang inahan og giregaluhan nalang og bag-ong stuffed toy.
