Nagpakita og abilidad ang usa ka bata sa Leyte human giingong nakapasiga og bombilya gamit lang ang iyang ilong, hinungdan nga gitawag kini sa uban nga adunay “superpower.”
Sumala sa ninong sa bata nga si Zhyrus, nibisita sila sa tindahan aron mopalit og mga gamit sa balay sa dihang gisulayan sa bata nga si “Kaikai” nga ibutang ang bombilya sa iyang ilong ug kalit kining misiga.
Matud pa niini, ilang gisulayan usab sa ubang miyembro sa pamilya apan wala kini misiga, hinungdan nga ilang gikataw-an ug giingong adunay “boltahe” ang naasoy nga bata.
Samtang ang inahan ni Kaikai, nabalaka usab sa nahitabo tungod sa kahadlok nga basin adunay dili maayong epekto sa bata o adunay kuryente sa iyang lawas.
Dugang pa niini, giingon sa bata sa iyang amahan nga daw sama siya og superhero, samtang gipanghambog usab niini sa iyang mga ig-agaw nga kaya niyang magpasiga og bombilya gamit ang iyang ilong.
Sa pagkakaron, nakadani kini og liboan sa social media diin daghang netizens ang natingala ug nagaingon nga kuyaw ug basin adunay tinuod nga “abilidad” ang bata.
Aduna poy uban nga nagbinuang usab ug nagingon nga “Kailangan humingi ng permit ‘yan sa Meralco kung safe ba,” samtang ang uban mitukar usab sa karaang sulti sa mga ginikanan nga “Literal na isaksak mo sa ilong mo!”.
Anaa poy netizen nga nagkatawa ug nagingon nga “legit ang sipon kaya umilaw.”
Bisan pa niini, padayon gihapon nga naghatag og kalingawan ug katingala sa daghang netizens ang viral nga video sa bata sa Leyte.
