Nag-viral ang short video nga gi-upload sa internet user nga si Abhishek, kinsang Indian researcher and journalist last August 18, 2024.
Sa maong video makita ang usa ka batan-ong lalaki kauban ang inahan niini sa usa ka cellphone shop aron magpalit og bag-ong iphone.
Nasayrang nag hunger strike ang maong batan-on aron lang mapalitan sa wala na masutang model sa iphone.
Matud pa sa inahan nga nagtinda lamang siya og buwak gawas sa temple ug napugos lang siya sa pagpalit og iphone sanglit ang iyang anak tulo naman kaadlaw nga wala na mukaon.
Napuno og bash ang maong video diin matud pa sa pipila ka mga netizens nga sa karong henerasyon ang gadgets na maoy status symbol ug nahimong entitlement sa kabatan-unan.
Aduna say pipila nga nagkanayon nga ang maong batan-on nigamit og emotional blackmail aron maluoy ang inahan.
Makita sa video ang nahimong expression sa inahan tungod sa financial and emotional torture nga gibuhat sa iyang anak.
