TALISAY, CEBU-Naluwas ang usa ka kwatro (4) anyos nga batang lalaki human gikataho nga nalumos sa usa ka public beach sa Pooc, dakbayan sa Talisay, Domingo sa hapon.
Kung diin matud sa mga sakop sa medical team sa Naval Forces Central Visayas nga ‘Timing’ nga matawag ang pagkaluwas sa ang maong bata, kini human nga atong mga higayona miuban sila sa gipahigayo nga training sa Water Search and Rescue (WASAR) sa maong dapit.
Daling natabang ni Dr. Amy Balunes ug mga kaubanan ang bata nga daling nadala sa ambulansya aron mahatagan og oxygen, kinsa conscious na hinuon kini human dali nga revived sa medical team.
Sa inisyal nga imbistigasyun, nasayran nga kalit nga nawala ang bata samtang nagkaon ang sakop sa iyang pamilya sa maong beach.
Nakit-an nalang kini nga nalumos ug daling giluwas.
