Gihagit ni Senador Ronald “Bato” Dela Rosa ang kanhi senador nga si Antonio Trillanes IV nga mouban kon ang mga agents sa International Criminal Court modakop kaniya ug kang kanhi presidente Rodrigo Duterte.
Mao kini ang tubag sa senador human gianunsyo ni Trillanes nga ang Rome statute gikatakdang moluwat og warrant of arrest batok kang Dela Rosa, Duterte ug uban pa nga may kalambigitan sa paglapas sa tawhanong katungod atol sa war on drugs sa miaging administrasyon.
Kusganon usab nga gihimakak ni Dela Rosa ang pasangil ni Trillanes nga si Duterte mao’y utok sa “PDEA leaks”.
Diin ang Committee of Public Order and Dangerous Drugs, nga gipanguluhan ni Dela Rosa, nag-imbestigar kung giunsa ang giingong confidential nga mga dokumento sa Philippine Drug Enforcement Agency nga gipublikar.
Matod niini nga isip kanhi senador, kinahanglang masayod si Trillanes nga wala’y bisan kinsa nga modiktar sa senador kon unsay buhaton.
Ingon man nga iyang gisubli nga dili siya mosuporta sa ‘destabilization plot’ batok kang Presidente Ferdinand Marcos Jr., gumikan gusto niini nga usa ka ‘stable government’.
