Kinsa ang maghuna-huna nga ang bato sa apdo sa baka o gitawag nga cow gallstones mas mahal pa kaysa sa bulawan?
Sa kasamtangan, gikonsiderar kining usa sa pinakamahal nga commodities sa kalibutan tungod sa padayon nga pagtaas sa demand gikan sa mainland China ug Hong Kong.
Sumala sa mga taho, gigamit kini alang sa digestive fluids sa traditional Chinese medicine aron tambalan ang mga grabeng sakit sama sa stroke, hypertension, ug uban pang cardiovascular diseases.
Giila sa tawag nga Niu Huang, diin misaka ang presyo sa $5,800 kada ounce o kapin sa 324-milyones pesos niadtong 2025.
Ingon man nga ang nag-unang hinungdan sa pagmahal niini ang kakulang sa supply.
Kasagarang namugna ang bato sa apdo kung tigulang na ang baka apan mas gipili sa mga slaughterhouses nga ihawon ang mga hayop samtang bata pa aronsa mas maayong kalidad sa karne ug mas paspas nga produksiyon.
Tungod sa sobra kataas sa kantidad, mitumaw ang baligyaay niini sa black market ug nahimong kusog ang kinawatay ug smuggling sa Brazil, Australia, ug U.S. Sa São Paulo, Brazil diin dunay mga armadong grupo nga gikawat ang gallstones sa mga baka.
Aron matubag ang grabeng kakulang, nakamugna ang Chinese researchers og synthetic o lab-grown nga alternatibo nga nasundog ang epekto niini.
Samtang dunay mga taho usab gikan sa Russia nga bisan ang bato sa apdo sa tawo o human gallstones taas usab ang demand sa China diin mabaligya ang usa ka piraso niini sa $1,270 o 71-mil pesos depende sa kadako ug kalidad.
