Giawhag ni Jaime Paglinawan, ang Chairperson sa Bayan Central Visayas, ang gilayon nga pagpatuman sa dugang suholan alang sa mga trabahante sa National Capital Region (NCR) nga unta nahitabo na niadtong Hulyo 25.
Sumala ni Paglinawan, gidiskunsyerto niya ang nanggawas nga mga babag o pugong gikan sa korte batok sa maong pausbaw sa suholan.
Gisaysay niini niya nga ubos sa Article 226 sa Labor Code, klaro nga ang adunay hurisdiksyon ug mandato sa pagdumala sa mga isyu sa suholan mao ang Regional Tripartite Wages and Productivity Board (RTWPB).
Busa, gihimug-atan niini nga walay katungod ang mga lower court nga mopagawas og injunction o Temporary Restraining Order (TRO) batok sa mga desisyon sa wage board.
Gipadayag usab ni Paglinawan nga kun adunay reklamo ang mga kapitalista o mga tag-iya sa kompanya, kinahanglan nga direkta kining ipasaka sa RTWPB ug dili sa regular nga korte.
Ingon man nga ang paglangan sa maong giuyonan nga umento sa suholan usa ka dakong kawad-on ug pagpahaag sa kalisud sa mga yanong mamumuo nga nagsalig sa maong dugang nga kita.
