Gigahinan og oras ni Presidente Ferdinand Marcos Jr. sa pagbisita sa Bayanihan Village sa San Remigio aron susihon ang kahimtang sa estado sa pagpuyo sa mga indibidwal nga anaa didto nagpuyo.
Gisusi niini ang kalidad sa mga housing nga gitagana alang sa mga apektadong residente sa naasoyng dapit tungod sa 6.9 magnitude nga linog nga niigo sa Amihang bahin sa Sugbo niadtong gabii sa Setyembre 30.
Sa maong Bayanihan Village, adunay 50 ka mga housing unit o gitawag nila nga smart house kay gipurma man kini gamit ang mga plastic materials ingun man solid materials aron masiguro ang kalidad ug ang kalig-on sa bisan unsay posibleng katalagman.
Matod pa sa matag usa sa 50 kabuok nga housing units, nagkantidad og 195,000 pesos matag usa gikan sa Department of Human Settlements and Urban Development (DHSUD).
Gikabutyag ni Mariano Martinez ang Mayor sa San Remigio Cebu nga nisaad ang presidente nga tagaan sila og mga construction financial assistance ang mga biktima sa linog, bisan paman nga nahiluna na kini sa gitaganang Bayanihan Village.
