Nidugang pag-usab sa iyang kalampusan si BB Gandanghari kini human nigradwar isip summa cum laude sa Bachelor of Science in Entertainment Business sa Los Angeles Film School.
Gipaambit ni Gandanghari ang maayong balita sa usa ka Instagram post kaniadtong Domingo, kauban ang usa ka video sa seremonya sa iyang graduation ug usa ka mensahe nga puno sa pasalamat ug garbo.
Sumala sa iyang gipa-ambit nga mensahe, ang pagkasumma cum laude, walay bili og dili ubanan og kakugi, disiplina, paglahutay ug determinasyon.
Gipasigarbo usab niya nga usa siya ka working student nga perfect attendance ug wala pa gyud maulahi sa klase.
Gawas sa Latin honor, giila usab si Gandanghari nga Student of the Month ug miyembro sa Honor Society of Los Angeles.
Sa nilabay nga interview niya, si Gandanghari nagkanayon nga nisulod siya sa film school aron sundon ang iyang mga pangandoy nga mag-produce ug magdirek.|Bombo Irene Ardiente
