CEBU – Gituohan ni DOT Undersecretary Atty. Elaine Mae Bathan nga ang pagdumala ni DOT Secretary Christina Frasco kay maghatag ug agi-anan sa kalamboan sa turismo sa nasud.
Matud ni Usec. Bathan nga dako niining dungog nga makauban si Sec. Frasco sa pagbalik sa mas daghang investments, trabaho ug mga oportunidad sa tanang mga Filipino pinaagi sa turismo.
Gibutyag niini nga ilahang paningkamotan nga makabangon ang turismo human sa mga kalamidad ug pandemya.
Sigon pa, ang Cebu ang usa sa mga himuon nga modelo sa pagbalik sa turismo diin sa pagdumala ni Governor Gwendolyn Garcia, dali nga nakabangon taliwa sa mga hagit diin miresulta sa subling pag-abli sa Sugbo.
Giingong mahimo nga masunod sa ubang mga Local Government Units (LGUs) ang mga ‘best practices’ sa Sugbo sa subling pagbangon human sa kalamidad ug pandemya.
Kahinumdoman nga usa mandato ni President Ferdinand ‘Bongbong’ Marcos, Jr. atol na sa SONA niini, mao ang pagpalambo sa turismo arun nga mabalik ang Filipino brand sa nasud.
