-- ADVERTISEMENT --
Giila ang 77-anyos nga aktres nga si Eva Darren isip Most Empowered Veteran Actress of the Year sa Gawad Dangal Filipino Awards 2024 sa Parañaque City.
Diin gihatagan og pasidungog ang iyang talento ug dedikasyon sa industriya sa pag-arte, ug ang iyang mga kontribusyon sa mga salida sukad kaniadtong 1960s.
Sa iyang pakigpulong sa prestihiyosong awards night, si Eva nagpasalamat sa Gawad Dangal ilabi na sa award-winning director nga si Romm Burlat nga mao’y Chairman sa award-giving body.
Kahinumduman nga bag-o lang mitumaw ang kontrobersiya sa FAMAS, human wala hatagi og higayon si Eva nga makapresentar sa maong pasidungog nga nakapasuko sa daghang netizens.
