-- ADVERTISEMENT --
Gibutyag sa Bureau of Fisheries and Aquatic Resources (BFAR)-7 nga momenos ang presyo sa isda sa rehiyon taliwa sa hulga sa coronavirus disease.
Matud ni BFAR-7 Director Alan Poquita nga posibleng mosobra pa ang supply sa isda tungod kay sirado ang mga seafood restaurant ug dili na makahigayon og palit ang mga konsumidor sa mga dagkong fish market.
Kini gumikan sa gipatumang lakang sa mga local government units sa rehiyon agi og paglikay sa COVID-19.
Dugang pa ni Poquita nga padayon ang monitoring ang supply sa isda ug ilang gibantayan ang dugang pang supply niini sa rehiyon.
Mihangyo karon ang BFAR sa mga mananagat ug mga labasero nga siguruong presko ang ibaligyang isda sanglit igo pa kaayo ang supply niini.
-- ADVERTISEMENT --
