CENTRAL VISAYAS-Nipahigayon ang Bureau of Fire Protection (BFP) 7 og send-off ceremony niadtong niaging semana alang sa pagpangandam sa Barangay ug SK Elections lahos na sa pag-pangandam sa oplan kalag-kalag.
Adunay kamanduan gikan sa kadagkuan sa BFP CCFS Fire Marshal Fire Supt. Reynaldo D. Enoc, nga tanang tunghaan isip gamiton nga voting centers kinahanglan pahigayunan og fire safety inspection.
Aron, masiguro nga hingpit ug luwas ang mga tunghaan nga andam nga magamit alang sa BSKE 2023 eleksyon.
Sa laing bahin, alang sa oplan kalag-kalag, gi-subay ni Villanueva nga na-inspection na usab ang mga pribado ug publiko nga mga menteryo alang sa mga mo-duaw nga mga kaliwat.
Mihatag usab kini ug pahimangno alang sa mga mobiya sa ilahang panimalay o mo-bakasyon nga sigurohon nga ang mga gipangsak-sak nga de-kuryente ug appliances ma-ibot.
Dugang pa nga kung mahimo palungon ang plangka.
Gisugyot usab niini nga alang usab sa mga managkot og kandila sa ilahang panimalay, dili angay nga mabutang sa kilid sa may kurtina o dali nga masunog ug palungon kini sa dili pa muhawa.
