Hugot nga gidili sa Bureau of Fire Protection (BFP) Bohol ang pagdaob o pagpang-sunog sa palibot taliwala sa nagsingabot nga kauga aron malikayan ang pag-ulbo sa dakong sunog.
Sumala ni SFO4 Manuel Parba, Operations Chief sa BFP Bohol, dako ang tsansa nga paspas nga mokaylap ang sunog tungod sa kauga sa palibot kon magpadayon ang pagdaob.
Busa, nanawagan si Parba sa publiko sa pagpanlimpyo sa tagsa-tagsa ka palibot ug panimalay. Ingon man nga gipasidaan usab niya nga kuhaon ang mga uga nga dahon, karton, ug mga cellophane nga nakabara o nagtapok sa mga atop.
Gumikan usa kini sa mga pangunang hinungdan nga makahimo og spark o dali nga madakpan sa sunog.
Gipahimangnoan usab ni Parba ang katawhan nga magmatngon ug bantayan pag-ayo ang paggamit sa pagluto aron masiguro ang kasiguruhan batok sa sunog.
