Nipasalig ang pamunoan sa Bureau of Immigrations nga mas pahugtan pa nila ang seguridad sa mga border crossing sa nasod.
Kini nga lakang nagtumong sa pagpugong sa mga Pilipino sa paggawas sa nasud gamit ang ilegal backdoors.
Gihimo ang maong pamahayag ni Bureau of Immigration (BI) Commissioner Joel Anthony Viado human nasayran nga 54 ka mga Filipino ang nabiktima sa human trafficking ang giingong gipalusot gawas sa nasud pinaagi sa ilegal nga paagi.
Matod niya nga ang mga sindikato sa human trafficking mahimong mogamit og gagmay nga mga sakayan aron dili matiktikan.
Ang aksyon sa maong ahensya subay sa direktiba ni Presidente Ferdinand Marcos Jr. sa pagsumpo sa human trafficking pinaagi sa pagmonitor sa mga illegal exit points sa Pilipinas.
Samtang ang Inter-Agency Council Against Trafficking nag-awhag usab sa mga lokal nga gobyerno sa pag-apil sa mga lakang sa gobyerno sa pagmonitor sa mga pagtabok sa utlanan sa nasud.
