Nahimong susama sa big winner si Bianca de Vera sa wala pa nahitabo ang Big Night sa usa ka reality show niadtong Hulyo 5, kini human giregaluhan siya og multi-million peso nga luxury car gikan sa iyang mga ginikanan.
Gipaambit sa iyang inahan nga si Aileen ang maong sorpresa sa Instagram.
Sa mga video, makita ang kalipay ni Bianca dihang nadawat niya ang yawe ug nakita ang iyang bag-ong sakyanan nga nagkantidad og 5.9 milyon pesos.
Nagpasalamat siya sa iyang inahan ug nalipay usab sa mga buwak ug regalo nga gikan sa iyang mga fans nga gibutang sulod sa sakyanan.
Ilado ang iyang mga ginikanan isip malampusong negosyante: si Aileen, usa ka importer nga konektado sa fashion industry, samtang ang iyang amahan nga si Mon adunay negosyo sa life safety systems ug usa usab ka professional racecar driver.
