Gipahibalo ni President Ferdinand R. Marcos Jr. nga ang bicameral conference committee meeting alang sa 2026 national budget i-livestream isip lakang padulong sa mas abli ug matinud-anon nga mga deliberasyon.
Matod sa Presidente, kini maoy gikasabotan nila ni Senate President Vicente Sotto III ug House Speaker Faustino Dy III nga hatagan ug higayon ang publiko nga mamonitor ang proseso sa pag-umol sa nasudnong budget, apil na ang posibleng kwestyonableng insertions.
Ang Presidente midugang nga wala nay gitawag nga “small committee” nga kaniadto nagdumala sa pipila ka budget insertions sa sekreto.
Gipasalig usab sa Presidente nga ang House-approved version sa 2026 budget nahisubay gihapon sa plano sa socio-economic development sa administrasyon.
Gusto sa Presidente nga makita ug maobserbahan sa publiko ang proseso sa budget ug tan-awon kung kinsa ang nagduso sa mga insertion.
