CEBU – Patay ang usa ka biktima sa HIT-AND-RUN, nga si Marlon Impas, 28-anyos nga taga Basak Pardo, dakbayan sa Sugbo, kinsa nagmaneho sa iyang motorsiklo dihang nadasmagan sa taxi niadtong Sabado sa hapon, Oktubre 15, 2022.
Kini human siya nahulog sa ilawom sa van nga gimaneho ni Rodney Cabahug tungod sa impact, matod ni Cabahug nga wala mohunong ang drayber sa taxi aron susihon ang kahimtang ni Impas.
Hinungdan nga nanawagan kini sa drayber sa taxi nga mo surrender sa iyang kaugalingun ug atubangun ang iyang kaugalingun, ilabi na nga inosente gyud siya sa panghitabo.
Samtang sa habig ni Police Chief Master Sergeant (PCMS) Renante Abuzo/Traffic Investigator sa Inayawan Police Station, nga basi sa inisyal nga imbestigasyon, ilahang nasuta nga ang biktima nga si Marlon Impas naigo sa taxi , nga nahimong hinungdan nga naligsan siya sa sakyananan nga gi drayban ni Rodney Cabahug.
