Paga-imbestigaran sa Senado ang nahitabo Binaliw landfill landslide ning dakbayan sa Sugbo niadtong Enero 8, 2026.
Kini human miduso og resolution si Sen. Sherwin Gatchalian aron makahikay og Senate imvestigation sa makalilisang nga panghitabo diin kapin 30 ka mga kinabuhi ang nakalas ug pipila sab ang nakahiagom og samad.
Ang Senate Resolution No. 277 naglatid nga masuta kung unsa ang tinubdan sa panghitabo. Gani gisaysay niini ang pipila sa mga wala maresolbar nga mga isyu sa landfill gikan sa desinyo sa pasilidad, operasyon sa matag adlaw, hangtod sa pagtuman niini sa mga regulasyon kung ugaling adunay government oversight nga kinahanglan usbon aron maprotektaran ang mga kasikbit nga mga komunidad ug mga trabahante niini.
Ang gisugyot nga inquiry nagtinguha nga matumbok ang immediate ug underlying causes sa landslide ug kung mituman ba kini sa environmental engineering ug safety standards ingon man sa kakuwang og aksyon sa nasudnong mga ahensya ug lokal nga panggamhanan.
Gidugang ni Gatchalian nga ang trahedya sa landfill kay dili isolated case kay mahulagway nga mususama kini sa 2000 dumpsite collapse sa Payatas, Quezon City diin kapin 200 ka mga tawo ang natabunan sa bulay-og nga pagdumala sa waste disposal facilities.
