Gibutyag sa usa ka Bombo International News Correspondent, nga si Ramil Isogon, gikan sa The Hague, Netherlands, nga klase-klase ang mga opinion sa mga Filipino nga anaa sa The Hague, maylabot sa kaso ni Kanhi Presidente Rodrigo Duterte ngadto sa International Criminal Court.
Matud niini, nga ang nahitabong kaso ug ang pagkadakop sa Kanhi Presidente, nakahatag ug lain-laing opinion ug nakamugna og pagkabahin-bahin sa mga Filipino gumikan sa managlahing baruganan sa politika.
Dugang pa niini, nga sa iyang bana-bana anaa sa 60% ngadto na sa 40% ang mibarug alang ngadto kang Duterte, hinungdan nga nakaaghat kaniya nga respetuhon nalang ang baruganan sa uban gumikan kay agresibo ang pipila niini kung mahibawo sa laing baruganan.
Gihimug-atan ni Isogon, nga taliwa sa mga panaglahi-lahi ug baruganan sa politika, mas maayu nalang nga maghuwat sa desisyon sa ICC gumikan kay nagpadayon pa gihapon ang pagdungog sa kaso niini nga “Crimes against Humanity”
Gikatakda nga sugdan ang Full trial sa umaabot Nobyembre 30, 2026.
