BINI Aiah, nibisita sa Kapitolyo sa Probinsiya sa Sugbo

Kalit nga nipatim-aw ang usa sa mga BINI member, ang Cebuana star nga si BINI Aiah sa Kapitolyo sa Probinsiya sa Sugbo ug sa relief packing warehouse.

Kini kay nakapadasig dayon sa mga boluntaryo ug mga sakop sa Emergency Operations Center (EOC) nga walay kakapoy nga naghatod og hinabang sa mga lugar nga naapektuhan sa linog.

Ang iyang pagbisita nagdala og pahiyom, kusog, ug pagdasig sa tanan, ingon man nga sa hamubo nga higayon daw nakaikyas sa makalilisang ug makagun-ob nga hagit sa mga Sugboanon.

Nihatag usba og hamubo nga mensahe ang p-pop star diin usa ka garbo nga mahimong Sugboanon gumikan sa gipakita nga ‘spirit of bayanihan.’