Misanag ang gabii sa BINI sa 9th P-pop Music Awards human ilang napamatud-an nga tuig 2024 gayud ang ilang tuig.
Diin ang grupong Pinay P-pop maoy nakakuha sa kadaghanan sa mga dagkong awards, lakip na ang Artist of the Year, Song of the Year, ug Album of the Year, nga nagpalig-on sa ilang posisyon sa industriya sa P-pop.
Si Josh Cullen sa SB19 usab adunay usa ka impresibo nga pasundayag, diin nakaangkon og duha ka mga awards: ang Collaboration of the Year alang sa iyang kanta nga “Yoko Na” uban sa hip-hop artist nga si AlJames, ug ang Solo Artist of the Year, nga nagtimaan sa iyang kalampusan isip solo artist.
Sa laing bahin, si Maki nakadawat usab og pag-ila pinaagi sa Breakthrough Artist of the Year award, ingon man ang Favorite Streamed Artist award, nga maoy pruweba sa iyang pagsaka sa kasikat.
