Emosyonal ug mapasalamaton ang P-pop girl group nga BINI human sila giila sa Senado tungod sa ilang makasaysayanong pasundayag sa internasyonal nga music festival nga Coachella.
Mitambong ang tanang walo ka miyembro sa BINI sa Senado niadtong Miyerkules diin giaprobahan ang Senate Resolution No. 370 nga gi-sponsor ni Senador Bam Aquino.
Sa iyang pakigpulong, giingon ni Aquino nga ang kalampusan sa BINI usa ka pruweba sa talento ug kaabtik sa mga Pilipino sa global nga entablado.
Nagpahayag usab og suporta ug pag-ila sa grupo ang ubang mga senador lakip sila sila Senador Joel Villanueva, Raffy Tulfo, Erwin Tulfo, Risa Hontiveros, Jinggoy Estrada, Loren Legarda, ug Kiko Pangilinan.
Matod sa mga miyembro sa BINI, wala nila damha ang maong pag-ila ug hingpit silang nahingangha sa award gikan sa Senado.
Gipasiugda usab ni Senador Hontiveros ang papel ni Mikha sa pagpasiugda sa mental health awareness ug paghimo og luwas nga mga lugar alang sa kababayen-an.
Nagpasalamat usab si Mikha sa suporta ug pagtagad nga gihatag sa kaayohan sa mga artista.
Gipanawagan usab sa grupo ang dugang nga suporta alang sa mga Pilipinong artista ug creative industry, lakip na ang mas daghang oportunidad alang sa OPM ug lokal nga talento sa internasyonal nga merkado.
