Malampuson nga nipasundayag ang Nation’s Girl Group, BINI sa Queen City of the South diin bitbit ang SIGNALS World Tour atubangan sa daghang tawo sa bag-ong giablihan nga Cebu Arena, gabii.
Gihatagan og pagtagad sa mga fans ang full-scale production sa tour, kompleto sa impresibong stage setup, stunning visuals, ug ang signature high-energy performances sa grupo.
Ang pinakakusog nga pag-abiba mao sila si Aiah ug Colet, kinsa parehong nalingaw sa usa ka kinasingkasing nga homecoming. Si Aiah, nga taga Lapu-Lapu City, Cebu, ug si Colet, gikan sa Tagbilaran City, Bohol, mainiton nga gihangop sa mga CEBLOOMs. Samtang, si Stacey nakadawat usab og espesyal nga birthday greeting gikan sa liboan ka mga fans samtang gisaulog niya ang iyang adlawng natawhan atol sa concert.
Nagsilbi usab ang Cebu stop nga send-off show sa BINI sa dili pa nila sugdan ang North American leg sa SIGNALS World Tour, nga magsugod sa Agosto 1 sa Honolulu, Hawaii.
