Gipabilib sa P-pop girl group nga BINI ang mga Japanese fans atol sa ilang makasaysayanong debut sa Summer Sonic 2026 sa Osaka niadtong Biyernes, Agosto 14.
Ang walo ka miyembro sa grupo—Aiah, Mikha, Sheena, Maloi, Stacey, Jhoanna, Colet ug Gwen—misaka sa Mountain Stage nga nagsul-ob og mabulukon ug sinaw nga mga outfit alang sa ilang pasundayag.
Gisugdan sa BINI ang ilang set pinaagi sa “Cherry on Top,” nga gisundan sa “Zero Pressure,” “Out of My Head,” “Blush,” “Step Back” ug “Sugar Rush.”
Gipasundayag usab sa grupo ang “Born to Win” ug ang Filipino-Japanese nga bersyon sa “Salamin, Salamin” sa wala pa nila gitapos ang set pinaagi sa ilang hit nga “Pantropiko.”
Human sa pasundayag, gipaambit sa BINI sa ilang Facebook page ang video sa ilang performance sa “Born to Win.”
Samtang, daghang video gikan sa ilang pasundayag ang gipaambit ug mikaylap sa social media pinaagi sa ilang mga fans o Blooms.
Mopadayon ang BINI sa ilang Summer Sonic stint sa Tokyo leg sa festival sa Agosto 16.
Samtang, apil usab sa lineup sa Summer Sonic 2026 ang P-pop boy group nga SB19, nga gikatakdang mopasundayag sa Osaka ug Tokyo legs sa Agosto 15 ug 16.
