Mitambong ang P-pop girl group nga BINI sa usa ka send-off ug thanksgiving mass isip pagpangandam sa ilang umaabot nga pasundayag sa Coachella Valley Music and Arts Festival.
Sumala sa grupo, importante kanila ang pag-ampo sa dili pa ang matag dagkong kalihokan, diin gipaambit usab ni Jhoanna ang lidear sa grupo nga naandan na nila ang pagpahigayon og misa sa dili pa ang matag kalihokan isip usa ka paagi sa pagpasalamat ug pagpangayo og giya.
Samtang, giangkon ni Mikha nga ang makasaysayanong oportunidad sa pagpasundayag sa Coachella wala pa hingpit nga nasabtan, apan andam na sila nga ihatag ang ilang 100 percent nga mga pasundayag.
Ang BINI gikatakdang mopasundayag sa Coachella sa Abril 10 ug 17, nga mahimong unang Pilipinong grupo nga mopasundayag sa international music festival.
