BIR, nagpasidaan sa negatibong epekto sa pagkunhod sa VAT

Nagpasidaan ang Bureau of Internal Revenue (BIR) nga ang gisugyot nga pagkunhod sa value-added tax (VAT) adunay dakong epekto, ug ang unang maapektuhan niini mao ang kita sa gobyerno ingon man ang ekonomiya.

Nag-ingun si BIR Commissioner Charlito Mendoza nga trabaho sa mga magbabalaod ang pagpakunhod sa VAT, apan importante nga ilang tan-awon usab ang negatibo nga epekto niini.

Mahinumduman nga si Senador Erwin Tulfo nagsang-at og balaodnon nga nagtinguha sa pagpakunhod sa VAT ngadto sa 10 porsyento gikan sa miaging 12 porsyento.

Samtang sa miaging tuig, si Cavite Representative Francisco Barzaga nagsang-at usab og balaodnon aron hingpit nga wagtangon ang VAT.