Nakakolekta ang Bureau of Internal Revenue (BIR) og P422.378 bilyon niadtong Abril 2026, nga milapas sa target niini nga P12.776 bilyon o 3.12%.
Diin ang kita sa ahensya misaka usab og P551.11 milyon kon itandi sa samang bulan sa miaging tuig.
Ang lig-on nga performance nagpadayon bisan pa sa paglangan sa deadline sa Annual Income Tax Return (AITR) aron mahatagan ang mga magbubuhis og dugang panahon.
Sumala ni BIR Commissioner Charlito Martin R. Mendoza, kini resulta sa mas gipakusog nga kampanya ug mas taas nga pagsalig sa mga magbubuhis.
Gikan sa Enero hangtod Abril 2026, ang kinatibuk-ang koleksyon miabot sa P1.155 trilyon, P39.972 bilyon nga mas taas kaysa sa samang panahon sa 2025.
Ang BIR nagtuo nga sila anaa sa hustong dalan aron makab-ot ang ilang tinuig nga tumong sa kita ug gilauman ang positibo nga koleksyon sa Mayo usab.
