NAGA, CEBU-Gipangulohan ni Bise Presidente ang ‘Mag Negosyo to Day’ o kon MTD awarding ug ang pang-apud-apod sa hinabang pinansyal ngadto sa 500 ka mga benepesyaryo sa Assistance to Individuals in Crisis Situations nga gipahigayon sa Tuyan Central Elementary School sa Naga City sa Sugbo gahapong adlawa.
Personal nga mitambong si Sarah Duterte sa ceremonial distribution sa financial assistance alang sa kapin sa 2,000 ka mga benepisyaryo sa Naga City, Cebu nga gikan sa opisina sa bise presidente.
Samtang 500 ka mga public utility drivers ang nakadawat og P2,000 matag usa pinaagi sa AICS, ingon man ang 400 ka mga kababayen-an ug senior citizens ang nakadawat sa ilahang P4,300 pinaagi sa Tulong Panghanapbuhay sa Ating Disadvantaged/Displaced workers o kon TUPAD program.
Gawas pa niini, adunay 1,340 ka mga indibidwal ang nahatagan og pinaskohan nga dalit gikan sa OVP kung diin sulod sa eco bag ang 10 ka kilo nga bugas ug grocery items nga pang Noche Buena.
Sa nahitabong kalihokan, nanawagan ang bise presidente og kalinaw, pagkahi-usa ug pagtinabangay sa tanan, ignon man ang pag-awhag niini sa mga ginikanan nga tudloan ang mga kabatan-onan nga hatagan og importansya ang edukasyon, lakip na ang paglikay sa mga tawo nga adunay intensyon nga gub-on ang kalinaw ug kahapsay sa Pilipinas.
Subay niini, mipadayag usab si Sara sa iyang pasalamat sa tanang misalmot bisan paman ang uban sa mga mitambong adunay mga trabaho.
