Nasagmuyo ang biyuda sa gipatay nga Negros Oriental Governor nga si Roel Degamo sa bag-ohay lang nga desisyon sa korte sa Timor-Leste nga gibalibaran ang hangyo sa gobyerno sa Pilipinas nga papaulion ang gipalagpot nga si Representative Arnolfo “Arnie” Teves Jr., kinsa gitumbok nga utok sa krimen sa pagpatay kang Degamo.
Sa usa ka pahayag nga gi-post sa iyang social media, si Mayor Janice Degamo sa Pamplona, Negros Oriental, gihulagway ang desisyon nga “katingad-an ug lisud sabton.”
Gihisgutan usab niya ang posibilidad nga ang korte sa Timor-Leste mahimong naimpluwensyahan sa gahum ug koneksyon.
Matud niini nga dili malikayan nga maghunahuna siya nga ang korte sa Timor Leste usa ka talawan.
Sumala sa Konstitusyon sa Demokratikong Republika sa Timor-Leste, gidili ang extradition kung adunay “klaro nga risgo sa torture, dili tawhanon o mapintas nga pagtratar.”
Ingon man nga nakurat usab dayon ang Department of Justice (DOJ) ug namatikdan nga nag-atubang si Teves og mga bug-at nga kaso, lakip na ang mga alegasyon sa daghang pagpatay, ug kinahanglan nga ibalik siya sa Pilipinas aron atubangon ang bug-os nga gibug-aton sa balaod.
