Nagplano ang Bureau of Jail Management and Penology (BJMP)–Mandaue nga magtukod og programa nga “College Behind Bars” sulod sa mga pasilidad sa prisohan niini aron tugotan ang mga persons deprived of liberty (PDL) nga makapadayon sa ilang degree sa kolehiyo samtang nagserbisyo sa ilang mga sentensya.
Sigon ni City Jail Warden Jail Superintendent Jessie James Gingoyon, atol sa usa ka press briefing nga ang mga dedikado nga pasilidad tukuron sulod sa mga dormitoryo sa lalaki ug babaye aron suportahan ang programa.
Gipasiugda ni Gingoyon nga ang pagkabilanggo kinahanglan nga mag-focus sa rehabilitasyon ug dili lamang sa silot.
Maglakip ang gisugyot nga mga rehabilitation center sa alternatibong mga pasilidad sa pagkat-on, nga gi-prioritize sa BJMP–Mandaue sa pagpakig-alayon ni Senior Inspector Roselle Paracale, pangulo sa dormitoryo sa babaye.
Matud ni Gingoyon, nga ang BJMP–Mandaue ug Mandaue City College (MCC) gikatakda nga mohimo og memorandum of agreement aron pormal nga ipatuman ang programa sa College Behind Bars.
Kung ma-integrate na ang kurikulum sa kolehiyo sa jail system, ang mga kwalipikado nga PDL makapadayon na sa pagtuon samtang naa sa kustodiya.
Samtang kadtong nakakompleto na sa senior high school mahimong maka-enroll sa mga degree program nga itanyag.
Lakip sa mga kurso nga gikonsiderar mao ang Business Management ug Information Technology, tungod sa ilang panginahanglan sa working industriya ug ang ilang potensyal sa paghatag sa mga PDL og mas maayong oportunidad sa trabaho human sila makagawas.
Gawas sa mga inisyatibo sa akademiko, ang mga PDL aktibo usab nga nalambigit sa mga programa sa livelihood sama sa paghimo og bread and pastry, paghimo og mga crafts, pagpintal, pagtanom og bonsai, ug pagkulit og kahoy.
