CEBU – Nakasakmit ang Bureau of Customs (BOC) Cebu-Subport Mactan og di mominos P1.5 milyones nga balor sa wala pa madeklarar nga kargamento sa mga delikadong kemikal sakay sa barko gikan sa South Korea.
Nagkanayon ang BOC Cebu-Subport Mactan sa usa ka pamahayag nga giluwatan niadtong Biyernes, Oktubre 8, nga ang customs personnel nihimo og physical inspection sa maong barko sa dihang nakadawat sila og makadaut nga impormasyon gikan sa Customs Intelligence and Investigation Service (CIIS).
Ang Boarding Team nakadiskubre ug kinatibuk-ang 8,485 ka litro sa mga peligrosong kemikal nga naglangkob sa Hydrochloric Acid, Potassium Hydroxide, ug Sodium Hypochlorite Solution, nga ang tanan wala sakop sa manifesto sa barko o listahan sa mga tindahan.
Sa maong impormasyon, si District Collector Charlito Martin Mendoza miisyu dayon og Warrant of Seizure and Detention batok sa mga wala gideklara nga mga kargamento human nakit-an ang posibleng hinungdan sa paglapas sa Sections 1113 (g), (f), ug (l-5) sa Customs Modernization and Tariff Act.
Nasayran nga ang mga nakompiska nga mga butang ipaubos sa forfeiture proceeding ug ilabay sa pagsunod sa environmental protocols ug kasamtangan nga customs rules and regulations.
