BOHOL CITY-Wala gikalipay ni Bohol Governor Aris Aumentado ang plano nga mukabat sa kapin 300 ka mga police sa ilahang probinsiya ang ibalhin sa Negros Oriental.
Gibutyag ni Aumentado nga susama sila ug sentimento sa iyahang mga mayor kung diin ang tagsa-tagsa nila ka mga pwersa sa kapulisan ang mahimong apektado.
Matud pa, supak kini sa maong kamandoan ilabi na nga silang mga opisyal sa Central Visayas ang wala gikonsulta kalabot niini.
Gidugang sa gobernador nga sa iyahang bahin siya mikwestyon ug nganong ang ubang bahin sa Rehiyon 7 ang susamang nanubag sa kasamok sa Negros Oriental.
Una niini, si Police Lieutenant Colonel Norman Nuez sa Bohol Provincial Police Office (BPPO) ang mipahibalo kang Governor Aumentado nga mukabat sa 375 ka mga pulis sa ilahang han-ay ang ipadala sa Negros Oriental isip hulip sa mga gipangtangtang nga pulis sa Negros Oriental Provincial Police Office (NOPPO).
