BOHOL-Gikatakdang pasidunggan sa 6th Leonardo Da Vinci International Prize Award ceremony, ang Boholano visual artist nga si Elvin Perocho Vitor sa National Museum of Science and Technology sa Milan, Italy, karong Abril 14.
Sa pakighinabi sa Bombo Radyo Cebu kang Vitor, gitino niini nga nakadawat kini og tawag gikan sa curator of the museum, Francesco Saverio Russo, kinsa midapit kaniya sa pagsumiter sa iyang trabaho alang sa konsiderasyon sa jury.
Kung diin iyahang gipili ang iyang “Bulawanong Bol-anon Series,” usa ka koleksyon nga nagpasiugda sa labing bililhong bahandi sa iyang probinsiyang natawhan.
Gipaambit usab niini ang iyang unang alampat o masterpiece nga adunay title nga ‘kulbahinam nga laraw’ ug sa iyang paglaraw daghan kining nakita nga mga paintings nga usa sa mga mi-awhag kaniya nga magpadayon.
Dugang pa niini nga bata palang si Vitor, nainteresado na kini sa arts, ingon man sa dihang nangandam ang iyang amahan og visual aids alang sa klase niini gumikan usa kini ka magtutudlo, nangutana kini sa kung unsay propesyon nga padulngan niini.
Sukad niadto, mao na kini ang gisubay ni Vitor ug iyang mga artworks, iya usab nga gipangbaligya.
Nasayran nga sa dili pa ang awarding sa Abril 14, si Vitor magpahigayon og solo exhibition sa Abril 12, diin 50 porsiyento sa kinitaan niini gikatakdang i-tampo sa bungol ug buta nga komunidad sa Bohol.
