Usa ka bomb threat nga gisulat sa toilet tissue paper ang nadiskubrehan sulod sa Cebu Pacific plane sa Zamboanga International Airport niadtong Sabado, Hunyo 14, 2025.
Nagkanayon ang Civil Aviation Authority of the Philippines (CAAP) nga alas 8:20 sa buntag kay usa ka cabin crew nga nagpahigayon ug routine inspection human sa pagkanaog sa mga pasahero nakakita og tissue note sulod sa usa sa mga banyo sa eroplano nga dunay mensahe nga “may bomba.”
Gitaho dayon sa flight attendant ang maong butang ngadto sa ground security personnel, nga mihimo og masusing inspeksyon sa eroplano apan mayo nalang nga walay eksplosibo nga nakit-an.
Human sa inspeksyon kay nipadayon sa operasyon ang tugpahanan ug gi-clear ang mga pasahero niini sa boarding ug uban pang flight activities.
Ang Presidential Decree No. 1727 nag-criminalize sa malisyoso nga pagsabwag sa bakak nga impormasyon bahin sa mga bomba o eksplosibo.
