Mobalhin na ang bigman sa Boston Celtics nga si Kristaps Porzingis sa Atlanta Hawks.
Kini nunot sa malampusong three-team deal tali sa Boston, Atlanta, ug sa Brooklyn Nets.
Ubos sa kasabutan, ang Hawks makadawat ni Porzingis, uban ang second-round draft pick.
Sa baylo, ipadala sa Hawks si Georges Niang ug usa ka second-round pick sa Celtics. Ipadala usab sa Hawks si Terance Mann ug ang No. 22 pick sa team ngadto sa Brooklyn Nets.
Kaniadto, gibaylo sa Boston si Jrue Holiday ngadto sa Portland Trailblazers baylo sa shooter nga si Anfernee Simons ug pipila ka umaabot nga second-round draft picks.
Sila si Holiday ug Porzingis maoy duha sa mga mahinungdanong players nga naglangkob sa Boston sa dihang miduwa kini sa Finals batok sa Dallas Mavericks sa miaging tuig hangtod nga sa kataposan nabulsa niini ang tropeyo sa lima ka duwa.
