Highlight sa usa ka AI Summit sa Shanghai, China ang pag-boxing tali sa mga humanoid robots niadtong nakalabayng Lunes, Hulyo 28, 2025.
Nahitabo kini sa 2025 World Artificial Intelligence Conference (WAIC) ddin gipakita nag mga bag-ong kalambuan sa robotics.
Mipakita sa ilang mga boxing moves sama sa pag-jab, hook, ug crossing punches ang mga humanoid robots nga nagsul-ob pa og headgear nga gitapukan sa mga manan-away.
Gimugna kini sa Chinese robotics firm nga Unitree, ang gaan nga timbang nga G1 nga robot nga adunay gibug-aton nga 35 ka kilos ug adunay gitas-on nga 1.32 metros.
Remote controlled kini sa mga operators diin nag one-on-one boxing match ang mga robots nga nagpakita sa ilang balance ug kaabtik sa boxing.
Ang 2025 WAIC napahigayon gikan gikan niadtong Hulyo 26-28, nga adunay kapin sa 800 nga mga higante sa teknolohiya ug mga negosyante nga nagpakita sa ilang mga buhat.
