Gibalitang namatay ang aktor nga si RJ Mitte, nga nailhan sa iyang papel sa seryeng Breaking Bad, sa edad nga 34 anyos.
Matod sa impormasyon nga gihatag, gikumpirma kini ni Cyndi Hinojosa, tigpamaba sa Office of Justice of the Peace nga nag-imbestigar sa maong kamatayon.
Nakadawat og tawag ang Brownsville Police Department bahin sa pagkakaplag sa patay nga lawas sa aktor.
Wala hinuon makakita ang mga awtoridad og timailhan sa foul play o posibleng pagkalambigit sa laing tawo sa iyang kamatayon.
Sukad pa sa pagkabata, nagpuyo si Mitte uban sa cerebral palsy, usa ka kondisyon nga nakaapekto sa iyang paglihok ug koordinasyon sa lawas.
Mas nailhan siya sa paghulagway sa karakter nga Walter White Jr. sa lima ka season sa Breaking Bad, nga gipasalida gikan sa 2008 hangtod 2013.
Natawo siya sa Lafayette, Louisiana, niadtong 1992. Sa edad nga 14 anyos, mibalhin siya uban sa iyang pamilya ngadto sa Hollywood aron suportahan ang iyang igsoong babaye, nga nadiskobrehan sa usa ka talent agent.
Nagpakita usab siya isip extra sa nagkadaiyang programa sa telebisyon, lakip ang 7th Heaven, Everybody Hates Chris, ug Hannah Montana.
