-- ADVERTISEMENT --
CEBU CITY– Sikop sa NBI-7 ang usa ka lawyer broadcaster nga si Atty. Juril Patiño human nga malutsan og warrant of arrest sa kasong rape nga gipasaka batok niini.
Sa inisyal nga impormasyon, nasikop ang broadcaster sa may Pier 4, niining dakbayan pasado alas 2 karong hapon. Wala man hinoon kini misukol atol sa pagsikop.
Kahinumduman nga gireklamo si Patiño ug gipasakaan og kaso human matud pa gilogos niini ang 13 anyos nga dalagita sulod sa iyang sakyanan niadtong 2017.
Napasaka ang kaso sa RTC Branch 20 ug basi sa mga ebedinsya nga gipresentar, nalutsan ang abogado og warrant of arrest karong tuiga.
Una na usab nga gihimakak sa broadcaster ang maong pangpanglogos.
-- ADVERTISEMENT --
