CEBU CITY- Pormal nga gideklarar isip drug-cleared barangay ang Barangay Babag ning dakbayan sa Subo gikan sa buhatan sa Regional Oversight Committee for Barangay Drug Clearing (ROCBDC) human makapasar sa deliberasyon kagahapong adlawa, Nobyembre 21, 2024.
Gitambungan kini sa mga nagkadaiyang ahensiya sa gobyerno sama sa PDEA-7, Cebu City Police Office (CCPO), kagamhanang dakbayan sa Sugbo uban sa City Office for Substance Abuse Prevention (COSAP) ug City Anti Drug Abuse Council (CADAC) nga may kalabutan sa maong proseso.
Matod pa ni Barangay Babag Councilor Ceasar Bruta Dolorito nga determinado sila mibuhat sa maong lakang aron mahimong gawasnon ang gingsakupan batok sa ginadiling droga.
Kasamtangang adunay 34 ka mga drug-cleared barangays ang dakbayan sa Sugbo ug ang Barangay Babag ang nahimong ika-34 nga nakakuha sa status nga drug cleared human kini gideklarar atol sa deliberasyon.
Ang maong barangay usa sa seriously affected barangay in terms of drug affectation una kini nga nahimong drug cleared.
Aduna na lamang 46 ka mga uncleared barangays ang nahabilin sa Dakbayan sa Sugbo, diin padayun nga gipanghingusgan sa mga ahensiya sa gobyerno aron mahimong gawasnon sa rehas sa ilegal nga droga ug mamahimong drug-cleared barangay.
