CEBU CITY-Gikasuko ni Mabolo Brgy. Kapitan Niña Mabatid ang pagpakatap sa video nga kuha sa CCTV sa Waterfront Hotel kung diin makita nga iyang gi-ayo-ayo ug kasaba ang house detective ug ang duty manager sa maong hotel.
Matud ni Mabatid nga gihukman lang dayon siya sa wala pa sutaa ang iyang habig. Hinoon, gi-angkon sa kapitan nga siya kadto ang naa sa video apan iyang gihimakak nga hubog siya og nagwild.
Gitino ni Mabatid nga nasuko siya sa maong house detective niadtong tungura tungod kay na-aan siya nga escort kun high class prostitute.
Boot matud pa siya nga pasuwaton sa Log book sa maong lalaki nga iya naman unta kini nga gipasabot nag regular guest siya sa maong hotel.
Gumikan matud pa sa iyang kalagot mao nga iyang gi-away ang maong lalaki nga nakita sa video.
Subay niini nagkanayon ang kapitan nga mubuhat siya og legal action sa maong panghitabo apan pwede usab siya nga makigsettle.
