Cebu City- Patay ang Brgy Konsehal sa Brgy Cubacob dakbayan sa Mandaue samtang samdan ang iyang kauban human kini gibanhigan sa P. Burgos Street, Brgy Alang-alang sa naasoy nga dakbayan
Ang namatay giila nga si Brgy Cubacob Konsehal Edgar Bihag, samtang padayon nga nagpaalim karon sa tambalanan ang kauban niini si Rolando Vega.
Sa inisyal nga imbestigasyon sa PNP, giingonbg padulong unta ang mga biktima sa Mandaue City Police Office para limpyohon ang ilang pangalan human nga gi-akusarang protektor sa usa ka miembro sa Kuratong Baleleng nga napatay sa operasyon sa PNP niadtong miaging semana.
Kauban sa mga biktima ang Barangay Kapitan nga si Almario Bihag nga naglingkod sa front seat sa dumptruck apan swerte kini nga wala naigo sa pagpamusil.
Luwas usab ang 3 ka mga sakay sa naasoy nga truck. Samtang padayon pa nga giimbestigaran sa mga pulis ang panghitabo.
