CEBU – Gusto sa bride nga si Therise Ildefonso Manahan nga makompleto ang pamilya sa hulagway sa adlaw sa iyang kasal.
Apan, anaa sa Singapore nagtrabaho isip magtutudlo ang kamanghuran nga babaye nga si Trexy Ildefonso.
Aron masolusyonan ang gamayng problema, nahuna-hunaan ni theris nga maghimo og standee ni Trexy.
Gibana-banang moabot sa P1,600 hangtod PHP1,800 ang presyo niini online nga susamang gidak-on sa barog sa iyahang igsuon.
Gikasal niadtong Pebrero 27, 2022 si Therise ug iyang bana nga si Shem Manahan sa Negros Occidental.
Sa gihimo sa bride, nabati ni Trexy nga daw nitambong ra usab kini sa kasal sa iyahang igsuon.
Gipasabot man hinuon ni Trexy nganong wala kini personal nga makaambong gumikan sa taas pa ang quarantine period niini itandi sa iyahang leave kung mouli sa Pilipinas ug naghuna-huna usab kini sa kaluwasan sa iyang pamilya ug sa mga estudyante niini sa Singapore.
Hinuon, wala raman kini nakitang problema kung lakip sa mosaka sa entablado sa kasal ang iyahang standee ug ni-angkon nga makakuha gyud kini og atensyon sa katawhan.
Di usab malikayan nga magkatawa ang maglantaw niini.
